Somali

MUQDISHO, Soomaaliya 27 Juun, 2020 - Ururka Suxufiyiinta Soomaaliyeed (SJS) wuxuu si adag u cambaareynayaa weerarka iyo xarigga booliska Somaliland ay u geysteen xarunta Telefishanka Universal ee magaalada Hargeysa Sabtida 27 Juun, 2020 taasoo ah tallaabadii labaad ee la xiro muddo saddex maalmood gudahood ah.

MUQDISHO, Soomaaliya 26 Juun, 2020 – Ururka Suxufiyiinta Soomaaliyeed (SJS) wuxuu cambaareynayaa weerarka hubeysan ah ee uu askari ka tirsan booliska Soomaaliya ku dhaawacay weriye Cabdifataax Cabduqaadir Shariif oo ka howlgala idaacadda madaxa-bannaan ee Danan ee magaalada Muqdisho maalinimadii Khamiista 25 Juun, iyo Tallaabada maamulka Somaliland uu kula wareegay xarunta telefishanka madaxa-bannaan ee Star TV ee magaalada Hargeysa 25 Juun, 2020.

MUQDISHO, Soomalyia, 19 Juun 2020 – Ururka Suxufiyiinta Soomaaliyeed (SJS) wuxuu cambaareynayaa xarigga is xig xigay ee ciidamada ammaanka Somaliland ay u geysteen suxufiyiin ku kala sugan gobolada Sool iyo Sanaag.

MUQDISHO, Soomaaliya 06 Juun 2020- Ururka Suxufiyiinta Soomaaliyeed (SJS) wuxuu soo dhoweeynayaa xorriyad-siinta weriye Cabdimaalik Muuse Coldoon Sabtida maanta 6-da bisha Juun, 2020. Coldoon ayaa muddo hal sano iyo 49 cisho ku jiray xabsi ku yaalla magaalada Hargeysa.

MUQDISHO, Soomaaliya 05 Juun 2020 – Ururka Suxufiyiinta Soomaaliyeed (SJS) wuxuu ugu baaqayaa Labada Aqal ee Baarlamaanka Federaalka Soomaaliya in ay ka noqdaan go’aankooda ay kaga horjoogsadaan warbaahinta madaxa-bannaan iyo suxufiyiinta kalfadhiga 7aad ee wadajirka ay u yeelanayaan Labada Aqal oo loo qorsheeyay in uu qabsoomo Sabtida 6da Juun, 2020.

MUQDISHO, Soomaaliya, 26 May, 2020 – Ururka Suxufiyiinta Soomaaliyeed (SJS), Dalladda Warbaahinta Soomaaliyeed (SOMA) iyo Dalladda Xarumaha Warbaahinta ee SIMHA waxay si weyn uga walwalsan yihiin isticmaalka telefoonka gaarka ah ee tifaftiraha Idaacadda Hiigsi, Maxamed Cabduwahaab Nuur (Abuuja) oo ku jira xabsi go’doomin ah tan iyo 7dii Maarso.

MUQDISHO, Soomaaliya 21 May, 2020- Ururka Suxufiyiinta Soomaaliyeed (SJS) wuxuu si adag u cambaareynayaa weerarka gacan-qaadka iyo xorriyad ka qaadista weriyaha SBC TV, Cabdullaahi Maxamed Sheekhdoon xilli uu ku guda jiray soo tebinta wacyigelinta cudurka Korona oo ka socday degmada Xamar Jajab ee magaalada Muqdisho Khamiista 21 May, 2020.

MUQDISHO, Soomaaliya, 20 May 2020 – Ururka Warfidiyeenka Soomaaliyeed (SJS) wuxuu soo dhoweynayaa bayaanka maalintii Talaadadii ee 19ka bisha May kasoo baxay Guddoomiyaha Guddi Hoosaadka Xuquuqda Aadanaha ee Baarlamaanka Midowga Yurub, Maria Arena, kaasoo looga hadlay weerarada joogtada noqday ee lagu hayo suxufiyiinta Soomaaliyeed iyo hor-istaagista ka dhanka ah xorriyadda saxaafadda.

MUQDISHO, Soomaaliya 03 May, 2020 – Munaasabadda Maalinta Caalamiga ah ee Xorriyadda Saxaafadda Adduunka, Anagoo ah hay’adaha hoos ku saxiixan ahna wakiilada suxufiyiinta iyo warbaahinta madaxa-bannaan, waxaan aad uga walaacsanahay handadaadaha, weerarada, iyo cagajugleynta ka dhanka ah warfidiyeenada iyo warbaahinta madaxa banaan.