armed police raided the Grand Hadi hotel and arrested four Eryal TV journalists: Badri Kosar, the Deputy Director; Abdirahman Abdillahi, Head of News; Aidarus Mohamed Abdi, TV reporter and Kamal Khalif Abdi, a cameraman.
Armed police raided the Grand Hadi hotel and arrested four Eryal TV journalists: Badri Kosar, the Deputy Director; Abdirahman Abdillahi, Head of News; Aidarus Mohamed Abdi, TV reporter and Kamal Khalif Abdi, a cameraman.

MOGADISHU, Somalia, 30 Luulyo, 2019 – Ururka Suxufiyiinta Soomaaliyeed (SJS) ayaa cambaareeyay talaabadii booliska Somaliland ay xabsiga ugu taxaabeen afar weriye oo u shaqeynayay Eryal TV.

Abaaro 10:30am subaxnimo ayaa ciidan boolis oo hubeysan waxay ka qabteen hotelka Grand Hadi weriyayaasha kala ah: Badri Koosar, agaasime ku xigeenka TV-ga; Cabdiraxmaan Cabdillahi, Madaxa wararka; Caydaruus Maxamed Cabdi, wariye TV-ga and Kamal Khaliif Cabdi oo ah sawirqaade.

Weriyayaasha ayaa halkaa ku qabanayay wareysiyo laga qaadayay dad ka cabanayay olole cusub oo shaqo abuur ah oo dowladda Somaliland bilowday, iyagoo ku eedeeyay musuqmaasuq sida weriyayaal saaxiibo la ahaa ay Ururka Suxufiyiinta Soomaaliyeed (SJS) u sheegeen.

Wax eedeyn ah oo lagu soo oogay ma jirto illaa iyo hadda.

Ururka Suxufiyiinta Soomaaliyeed (SJS) wuxuu cambaareynayaa tallaabada aan waafaqsaneyn sharciga ee lagu xiray afarta weriye, isla markaana ugu baaqay maamulka Somaliland in ay si shuruud la’aan ah ku sii daayaan, una ogolaadaan warfidiyeenka inay si xor ah ugu shaqeystaan mihnadooda saxaafadeed.

“Tacadiyada ka dhanka ka ah saxaafada waxa ay marayaan heer aad khatar u ah, iyadoo si joogto ay booliska Somaliland u ugaarsadaan suxufiiyiinta,” Cabdalle Axmed Muumin, xoghayaha guud ee Ururka Suxufiyiinta Soomaaliyeed (SJS) ayaa yiri, iyadoo ururka SJS ka dalbadatay xukuumada Somaliland in ay warfidiyeenada xiran si shuruud la’aan ah ku sii daayaan.

Xarigyada aan loo meel dayin, hanjabaadda iyo xadgudubyada ka dhanka saxaafadda ma ahan kuwo la aqbali karo, waana in la joojiyaa,” Xoghaye Mumin ayaa intaa ku daray.

Xorriyadda Saxaafadda Somaliland ayaa mareysa heerkeedii ugu liitay iyadoo 28 suxufi lagu xiray goboladda Somaliland sannadkii 2018 oo keli ah.

Ciidamada amaanka Somaliland ayaa 18 Juun weerar ay ku qaadeen xarumaha Telefishinada Eryal iyo Horyaal TV 24, kaga joojiyay shaqadii. Labada Telefishin waxaa loo ogolaaday inay dib u howlgalaan 30 Juun, 2019.